Home Нега за време на бременоста Која храна е добра
Банер
Која храна е добра

   
На следните неколку страници ќе зборуваме за храната. Ќе се запознаете која храна е добра а која не. Иако тоа вие веќе добро го знаете.

Неоходно ви е млеко поради калциумот

   
Млекото содржи минерални материи кои се потребни за развојот на коските и забите на детето и тоа во облик во кој можете и вие и детето да ги користи. Исто така млекото е богат извор на протеини потребни за развој на ткивата, потоа на јаглени хидрати неопходни за енергија, и најпосле на важни витамини.
    Најверојатно, ќе морате да пиете млеко во поголеми количини отколку порано. Затоа намалете го земањето на тешка храна која има многу калории, а не ви обезбедува соодветни важни состојки кои се наоѓаат во млекото.
    Ако ви се причини дека добивате повеќе на тежината, иако сте го намалиле обемот на јадење на слатки и друга храна која дебелее, прашајте го вашиот лекар дали може да го замените млекото со обрано. Полномасното млеко повеќе се препорачува поради витаминот А кој се наоѓа во павлаката. Доколку лекарот ви препорача обрано млеко, тогаш витаминот А ќе ви препорача да го земате во некој друг облик.
    Дневно треба да пиете по еден литар млеко, било да го пиете за време на редовните оброци, или помеѓу нив. Во секој случај препорачливо е еден литар дневно.
    Млекото може да биде свежо, пастеризирано или во прав. Млекото во прав ги содржи истите сосотјки како и свежото, и добро би било еден дел од дневната количина да ја внесувате како млеко во прав. НО за ова сепак треба да се консултирате со вашиот лекар. Сепак мислењето на специјалистите, е дека било која храна во големи количини може да доведе до појава на алергија кај нероденото дете. Се смета дека млекото во прав, не содржи алергогени супстаниции поради високата температура на која се изложува при обработката.
    До пред извесно време се сметаше дека калциумот во облик на капсули може да го замени млекото кај жените кои тоа не го пијат; но ваквата замена не одговара потполно, затоа што калциумот е само еден дел од минералите кои се содржат во млекото.

   Со млекото добивате и други неопходни материи и витамини, кои се важни за развојот. Поради тоа, само во случај на алергија од млекото, млекото не се препорачува во количините кои ги наведовме. Истотака препорачливо е еден дел од млекото да се зема во облик на сирење, поради други потребни состјки кои ги има како на пример фосфор, протеини итн.
    Младото сирење содржи голема количина на протеини, но не е така богато со калциум. Поради тоа овој вид на сирење може да го користите како додаток, а не како замена за количината на млеко.
    Доколку добивате на тежина, намалете од нешто друго, млекото да биде последното од кое намалувате. Ако млекото ви созадава запек, пробајте од советите кои ќе ги опишеме подоцна, но не се откажувајте од млекото.

Неоходно ви е и железото

   
Второ на листата на неопходни материи за вас, а особено за вашето дете е железото, затоа што бебето прави залихи на железо, кои ќе ги користи неколку месеци после раѓањето. Не е ретка појавата на анемија кај бремените жени, а таа може да се спречи со внесување на железо. Како додаток вашиот лекар може да ви препише и железо во чист облик.
    Ова е храната која специјалистите ја сметаат за добар извор на железо :

Јајца (особено жолчката)
- Џигер, срце, бубрези, месо, говедски јазик, мисиркино месо, сок од говедско месо
- Риба
- Јачмен, пченично зрно, тестенини
- Сушени кајсии, сушени праски, сушени смокви, суви сливи и грозје
- Соино брашно, сите врсти на боранија, леќа, сушен грашок.
-
Екстракти на квасец
- Брокула, зелка
- Зеленчук со зелени листови, како што е спанаќот, келераба, зелена салата
- Варен компир или печен со лушпата

Потребна ви е и соодветна количина на јод

   
Вашето бебе зависи од вас и во поглед на снабдување со јод како пред раѓањето така и во првите месеци од животот. Јодот е толку важен што во недоволни количини може да предизвика озбилни недостатоци во менталниот и физичкиот развој. Со обзир на фактот дека постојат области каде го нема, а и го нема ниту во храната која се одгледува, мора јодот да се зема во друг облик. Најдобар извор на јод се : рибино масло и морска риба. Понекогаш е потребно да се додаде јод и во облик на препарат, но за тоа мора строго да се придржувате до советите на лекарот.

Особено се важни витамините

    Витамините се состојки кои се наоѓаат во храната во мали количини, а кои сепак се важни за животот, здравјето и растот на човекот. Тие се важни за луѓето, а особено за бремените жени и доилките кои имаат поголема потреба за витамини. Мора да се погрижите да внесувате храна богата со витамини и тоа во големи количини. Витиманите се толку важни во исхраната, што понекогаш лекарот може да ви препорача дополнително и мултивитамински капсули и слично.
    Ќе ги наведеме сите потребни витамини, кој за што е корисен и каде да го најдете.

Витамин А

   
Потребен е за : нормален раст, мека и здрава кожа, јаки коски и заби, добри нерви, формирање на видот, отпорност на инфекции.
    Најдобри извори се : путер, павлака, полномасно млеко, сирење, жолчка, џигер, овошје со жолта боја, особено морков, зеленчук со зелени листови, сите врсти на рибино масло, прехрамбени производи во кои е додаден витаминот А.

Витамин Б1

   
Потребен е за : нормално функционирање на нервите, срцето, правилно користење на јаглени хидрати, здрав апетит, добро варење на храната, правилно отстранување на отпадните материи, раст, отпорност на инфекции, спречување на заморот.
    Најдобри извори се : свинско месо, срце, џигер, бубрези, пченично зрно, леб, пченични клици, грашок, боранија, жолчка, домати, печен компир, помаранџи, грејфрут, ананас, сушен пивски квасец.


Витамин Б2

   
Потребен е за : раст, виталност, апетит, варење, нервен систем, кожно и очно ткиво.
    Најдобри извори се : џигер, бубрези, жолчка, полномасно млеко, сирење, зеленчук со зелени листови, боранија, сув грашок, сушен пивски квасец, пченични клици.

Ниацин (уште еднна компонента на Б комплекс витаминот, познат како никотинска киселина)

   
Потребен е за : нормално варење и асимилација, здрава кожа, нервен систем, раст.
    Најдобри извори се : млеко, жолчка, месо, срце, бубрези, џигер, пилешко месо, конзервиран лосос, пченица, печурки, домати, квасец.

Витамин Ц

   
Потребен е за : раст, здрави коски, десни, ткиво во ќелиите, јаки крвни садови, обновување накрвта, дишни органи, заздравување на рани, отпорност на инфекции.
    Најдобри извори се : помаранџи, грејфрут, лимони, домати, компир, диња, свежа зелка, зелена пиперка, сокови.

Витамин Д

   
Потребен е за : раст, јаки коски и заби, како помош на организмот да користи калциум и фосфор.
    Најдобри извори се : сите врсти на рибино масло, сите врсти на храна збогатени со витамин Д.

Витамин Е

   
Потребен е за : нормален развој на фетусот, и завршување на бременоста.
    Најдобри извори се : витаминот Е е најраспространет и со нормална исхрана се внесува во доволни количини. Овој витамин најмногу го има во зелена салата, и пченични клици.

Витамин К

   
Потребен е за : нормално згрутчување на крвта и спречува крварење.
    Најдобри извори се : жолчка, џигер, спанаќ, соино масло, домати, карфиол. Може да ви дадат и инекција од витамин К при породувањето

Како да ги сочувате витамините и минералите

   
Со оглед дека многу витамини се губат подложени на топлина и на воздух, треба во текот на денот да обезбедувате свежо овошје и зеленчук. Некои витамини може да апсорбираат вода за време на варење. Поради тоа варете је храната брзо и во покриен сад со малку вода. Искористете ја истата вода за сосови и супи.
    Варете ја храната не лупена за да ги сочувате минералите.
    Купувајте свежо овошје и зеленчук. Чувајте ги на ладно место да не свенат односно да не изгубат витамини. Секогаш кога можете избегнувајте да ја греете храната која еднаш сте ја вареле.
    Витаминот Ц брзо се губи на воздух, поради што, правете сокови непосредно пред употреба.
    Конзервираното овошје и зеленчук можат да се користат на ист начин како и свежото. Сочувајте го сокот од конзервираната храна за супа и десерт.

Протеините го градат животот

    Калциумот и фосфорот во млекото служат за формирање на скелетот на вашето бебе, додека протеините, всушност се потребни за формирање на ткивата. Поради тоа протеините треба да имаат свое место во вашата исхрана во соодветни количини. Факт е дека на бремената жена и е потребно 50 проценти повеќе протеини од претходно.
    Месото, јајцата, млекото и сирењето се најголеми извори на протеини.

Одберете ги најдобрите јагленохидрати

    Јаглените хидрати се супстанција која дава енергија, потребна како и во секоја друга активност па така и за време на бременоста. Најмногу ги има во житните каши, лебот, компирот, и разни слатки.
    Одберете леб од пченично зрно, или обогатен со додатоци, поред енергијата обезбедете си и доволно витамини.

Витаминот Д е неопходен

    Без разлика колку млеко пиете, витаминот Д е потребен како помош на организмот за користење на калциумот и фосфорот кои се наоѓаат во млекото, а тие пак учествуваат во формирањето на коските. Извесна количина на витамин Д може да си обезбедите со сончање во лето, но како посебно важно треба да се нагласи и земањето на по една супена лажица рибино масло за време на летото, а по две лажици дневно во другите месеци.

Храна која треба да ја земате за време на бременоста

    Еве неколку врсти на храна која треба да ја јадете секојдневно за сопствено добро, а и да му овозможите на своето дете растење онакво какво посакувате.

1. Млеко. Еден литар (или соодветна количина на млечни производи иако е најдобро млеко)

2. Овошје. Две или повеќе порции варен зеленчук. Една порција ја сочинуваат четири супени лажици. Предвидете секој ден некој зеленчук со зелени листови. Еден мал компир, варен или печен со лушпа, кој е добар извор на витамин Ц.

3. Овошје и овошни сокови. Околу 200гр. непроцеден сок од помаранџа или сок од лимон, грејфут и слично, за доволни количини на витамин Ц. Поголеми количини на овошје помагаат при запек.
4. Месо, риба или дивеч. Најмалку една порција.
5. Барем едно јајце.
6. Житарици во зрно или со додатоци. Една порција.
7. Леб од разни врсти на жито. Три кршки.
8. Путер или маргарин. Околу три кафени лажици.
9. Витамин Д по упатство на вашиот лекар

Дневна количина на течности

    Ако премногу нагло добивате на тежина или лекарот ви ограничи внесување на течности, доведете ја дневната количина на сите течности на 6-8 чаши. Под тоа се подразбираат млеко, овошни сокови, чај, кафе, вода, супа и останати пијалоци.